शिवसेना शिंदे गटाचे आमदार निलेश राणे यांनी आता अचानक एका भाजप पदाधिकाऱ्याच्या घरी धाड टाकत मोठी रोख रक्कम सापडल्याचे दिसून आले. हे पैसे कुठून आले असा प्रश्न विचारले असता आमदार निलेश राणे यांनी भाजपचे प्रदेशाध्यक्ष रवींद्र चव्हाण यांच्यावर पैसे वाटल्याचा गंभीर आरोप केला आहे. यावर भाजपचे प्रवक्ते नवनाथ बन यांनी प्रतिक्रिया देत हे आरोप फेटाळून लावले आहेत. प्रदेशाध्यक्ष घरी गेले म्हणजे पैसे घेऊन गेले असं होत नाही ना? निलेश राणे यांची अपुरी माहिती असेल, असे म्हणत बन यांनी राणेंना चुकीची माहिती मिळाल्याचे म्हटले आहे. भाजप कधीही पैसे वाटण्याचा प्रकार करत नाही आणि हे पक्षाचे संस्कार नाहीत असेही त्यांनी स्पष्ट केले. सिंधुदुर्गात निलेश राणे हे आमचे विरोधक म्हणूनच काम करत असून विरोधकांनी केलेले हे बिनबुडाचे आरोप असल्याचे मत नवनाथ बन यांनी व्यक्त केले आहे.