नवी मुंबईतील पारसिक हिलवरून एक कार थेट रेल्वे रुळांवर कोसळल्याची घटना घडली. या अपघातात कारचालक तरुण गंभीर जखमी झाला आहे. आज, गुरुवारी साधारण सव्वातीन ते साडेतीन वाजताच्या सुमारास ही दुर्घटना घडली. डोंगरावरून कार थेट रेल्वे रुळांवर पडल्यानं कारचंही मोठं नुकसान झालं आहे. या अपघातामुळं हार्बर मार्गावरील रेल्वे सेवेवर काही वेळ परिणाम झाला होता. बेलापूर–उरण मार्गावरील एक लोकल ट्रेन थांबवण्यात आली. रेल्वे रुळांवरून कार हटवण्याचे काम तात्काळ सुरू करण्यात आले होते.