नाशिक जिल्ह्यातील सिन्नर बस स्थानकावर एसटी बसचा भीषण अपघात झाला आहे. ज्यामध्ये काहीजण जखमी झाले असून एकाचा जगीचा मृत्यू झाला आहे.

दृश्यांमध्ये दिसत असल्याप्रमाणे प्रवासी बस स्थानकाच्या फलटावर बसले होते. नेहमीप्रमाणे बस आली. मात्र ती न थांबता थेट प्रवाशांच्या अंगावर गेली. यामध्ये खाली बसलेले चार ते पाच जण जखमी झाले असून एका मुलाचा मृत्यू झाला आहे.

मात्र हा अपघात कशामुळे झाला? बस ड्रायव्हरने मद्यपान केले होते का? किंवा बसमध्ये काही तांत्रिक बिघाड झाला होता का? असे अनेक प्रश्न सध्यातरी अनुत्तरित आहे. मात्र गेल्या काही दिवसांपासून एसटी बसचा अक्षरशः खुळखुळा झाला आहे. आणि त्यामुळे अनेक अपघात होताना दिसत आहे. तरी देखील प्रशासन मात्र सुस्तपणे झोपेत आहे. आता तरी टेस्ला कारवाल्या मंत्र्यांना जाग येणार का? असा सवाल प्रवासी विचारत आहे.