Accident News : पुण्यात पुन्हा अपघाताचा थरार, ड्रायव्हर बसमधून लघुशंकेला उतरला; बस थेट भिंतीला आदळली, VIDEO

पुण्यातून मोठी बातमी समोर आली आहे. शहरात आज सकाळी बसमध्ये ड्रायव्हर नसताना अचानक बस पुढे सरकली आणि थेट चौकातील भिंतीला आदळली. सुदैवाने या बसमध्ये कोणी नसल्याने मोठ्या प्रमाणावर जीवित हानी टळली आहे. दरम्यान या घटनेने परिसरात काहीकाळ तणावाचे वातावरण निर्माण झाले.

पुण्यातील नवले पुलावरील अपघाताची बातमी ताजी असतानाच नऱ्हे येथील भैरवनाथ मंदिराजवळ आज सकाळी सुमारे अकरा वाजता पीएमपीएमएलची एक बस बस स्टॉपला उभी करून चालक आणि कंडक्टर दोघेही लघुशंकेसाठी गेले. यादरम्यान आपोआप बस पुढे सरकू लागली.

चालक बसबाहेर असताना बस पुढे सरकू लागली इतक्यात चौकातील एका भिंतीला ही बस जाऊन धडकली. बस ज्या मार्गाने पुढे सरकली त्याच मार्गात अवघ्या काही फुटावरच रिक्षा आणि एक दुचाकी देखील होती. सुदैवाने ते दोघेही थोडक्यात बचावले. या दुर्घटनेत कोणतीही जीवित हानी झालेली नसून बसचा पुढचा भाग काही प्रमाणात चक्काचूर झाला.

पुणे नवले पूल दुर्घटना!

पुण्यातील नवले पुलावर काही दिवसांपूर्वी मोठा अपघात झाला. या अपघातात ८ जणांचा दुरदैवी मृत्यू झाला. तर १५ जण जखमी झाले. या दुघटनेत एका तीन वर्षाच्या मुलीचाही समावेश आहे. कंटेनरचालकाचा गाडीवरील ताबा सुटल्याने पुढील १० ते १५ गड्यांना धडक बसली. या घटनेनंतर नवले पूल मृत्यूचा सापळा असल्याचं म्हटलं जात आहे.