नाशिक येथील काठे गल्ली परिसरात असलेल्या अनधिकृत दर्गेवरून 16 एप्रिल रोजी अचानक हजारो संख्येच्या जमावाने मध्यरात्री पोलिसांवर हल्ला केल्याची घटना घडली होती. यामध्ये सुमारे 21 पोलीस हे गंभीर जखमी झाले होते. यानंतर पोलिसांनी 1500 लोकांवर गुन्हा दाखल करत 39 आरोपींना अटक केली होती. या दंगलीचे महाविकासआघाडी कनेक्शन सामोर आले असून काही आरोपी अद्यापही फरार आहे. मात्र ही दंगल सुनियोजित असून याचा कट आधीच रचलेला होता अशी धक्कादायक माहिती पोलीस तपासात समोर आली आहे. या दंगलीचा मास्टरमाइंड शाकीर पठाणने हा कट आधीच शिजवला होता, आणि त्यासाठी त्याने बारा दिवस आधीचं शहरातील कार डेकोर व्यावसायिक निखिल दर्याणी यांचे अपहरण करून 15 लाखांची खंडणी वसूल केली होती.

ही रक्कम आपल्या जामीनासाठी हा दंगलखोर शाकीर पठाण वापरणार होता या सगळ्याचे नियोजन त्याने आधीचं करून ठेवले होते, असे पोलीस तपासात समोर आले आहे. यामुळे या दंगलीखोरांवर अजून कडक कारवाई होणार असल्याचे नाशिक पोलिसांनी सांगितले आहे. तर दंगलीतील महाविकास आघाडीचे संशयित आरोपी हनिफ बशीर, निलोफर शेख, अरीफ हाजी पटेल अद्यापही फरार आहे.