Ajit Pawar : उपमुख्यमंत्री अजित पवारांचा नाशिक दौरा अचानक रद्द, कारण आलं समोर

Deputy CM Ajit Pawar's Nashik visit was cancelled : उपमुख्यमंत्री अजित पवार यांचा नाशिक दौरा अचानक रद्द करण्यात आला आहे. हेलिकॉप्टरमध्ये तांत्रिक बिघाड झाल्यामुळे अजित पवारांचा दौरा रद्द करण्यात आल्याची माहिती माजी खासदार समीर भुजबळ यांनी दिली आहे. अजित पवार यांच्या स्वागतासाठी समीर भुजबळ नाशिकमध्ये उपस्थित होते. विधानसभा निवडणुकीनंतर अजित पवार आणि छगन भुजबळ पहिल्यांदाच एकाच व्यासपीठावर येणार होते. नाशिकमध्ये होणार्‍या या कार्यक्रमाची जोरदार तयारी करण्यत आली होती. पण अजित पवारांचा दौरा रद्द झालाय.

समीर भुजबळ हे अजित पवारांच्या राष्ट्रवादीचे मुंबई अध्यक्ष होते. पण विधानसभेला समीर भुजबळांनी मुंबई अध्यक्ष पदाचा राजीनामा दिला होता. मात्र राजीनामा स्वीकारलाच गेला नसल्याची समीर भुजबळ यांनी माहिती दिली. विधानसभा निवडणुकीनंतर मी पक्षात सक्रिय आहे. संधी देण्याच्या संदर्भात राष्ट्रवादीचे वरिष्ठ नेते निर्णय घेतील, अशी माहितीही त्यांनी दिली.