मुंबई : नाशिकच्या जागेचा तिढा केव्हा सुटणार, याकडे महाराष्ट्राचं लक्ष लागलंय. अजित पवार आणि देवेंद्र फडणवीस यांच्या सव्वा तास याच प्रश्नावर सकारात्मक चर्चा झाली असल्याची माहिती समोर आली आहे. सागर बंगल्यावर झालेल्या बैठकीत नाशिकचा उमेदवार महायुतीकडून कोण असेल, या प्रश्नावर महत्त्वाची चर्चा झाल्याची प्राथमिक माहिती समोर आली. महायुतीकडून नाशिकमध्ये छगन भुजबळ यांना उमेदवारी मिळणार का, याकडे सगळ्यांचं लक्ष लागलंय. सागर बंगल्यावर झालेल्या बैठकीनंतर आता नाशिकच्या जागेचा तिढा आता सुटतो का, हे पाहणं महत्त्वाचंय. राष्ट्रवादी काँग्रेसच्या वाट्याला आलेल्या जागांपैकी नाशिकचा उमेदवार अद्याप जाहीर झालेला नाही. लवकरच राष्ट्रवादी काँग्रेस अजित पवार गटाच्या वतीने सुनील तटकरे हे पत्रकार परिषद घेऊन नाशिकच्या जागेबाबत महत्त्वाची घोषणा करु शकतात, अशी शक्यता वर्तवली जाते आहे.