अजय सोनवणे, साम टीव्ही

नाशिक जिल्ह्यातील चांदवड येथील एका कला शिक्षकाने भक्ती आणि पर्यावरण संदेश यांचे सुंदर मिश्रण साधत एक आगळीवेगळी कलाकृती साकारली आहे. त्यांनी काळसर रंगाच्या छोट्याशा जांभळावर अक्रेलिक रंगांचा वापर करून विठ्ठलाची अत्यंत सूक्ष्म प्रतिमा साकारली आहे. ही कलाकृती सध्या सोशल मीडियावर आणि स्थानिक पातळीवर चांगलीच चर्चेचा विषय ठरत आहे.

वारी ही केवळ भक्तीची यात्रा नसून ती बीजरोपणाची देखील आहे, असा संदेश देणाऱ्या या कलाकृतीमागे एक सामाजिक भान दडलेलं आहे. विठ्ठलाच्या चरणी आपली श्रद्धा अर्पण करताना, जांभूळ हे आरोग्यदायी फळ आणि त्याचे झाड आज दुर्मिळ होत चालले असल्याची जाणीवही त्यांनी करून दिली आहे.