नागपूरच्या शासकीय मेडिकल आणि मेयो महाविद्यालयाच्या हॉस्टेलमध्ये फूड डिलिव्हरी एजंट्सना प्रवेशबंदी करण्यात आली आहे. पश्चिम बंगालमधील वैद्यकीय विद्यार्थिनीवरील अत्याचाराच्या पार्श्वभूमीवर हा निर्णय घेण्यात आला आहे. नागपूरातील हॉस्टेल परिसरातील सुरक्षा वाढवण्यात आली असून, सुरक्षा नाक्यापलीकडे फूड डिलिव्हरी एजंट्सना जाण्यास मनाई केली आहे. तसेच हॉस्टेलमध्ये नियमित टिफिन सेवा देणाऱ्यांना सुरक्षा रक्षकांच्या देखरेखीखालीच आत प्रवेश दिला जाणार आहे. विद्यार्थिनींच्या सुरक्षेसाठी हा निर्णय घेण्यात आला आहे. या नव्या नियमामुळे हॉस्टेल परिसरात अतिरिक्त सुरक्षा व्यवस्थाही तैनात करण्यात आली आहे.