नगरपरिषद, नगरपालिका निवडणुकीच्या निकालानंतर आता महापालिका निवडणुकीचा रणसंग्राम पाहायला मिळत आहे. तर दुसरीकडे जिल्हा परिषदांच्या निवडणुकांचाही धुरळा उडणार असल्याचे सांगितले जात आहे. महापलिका निवडणुकीच्या प्रचारादरम्यान जिल्हा परिषद निवडणुकीची घोषणा होणार असल्याचे सूत्रांकडून कळत आहे. राज्यातील स्थानिक स्वराज्य संस्थांच्या निवडणुकीचे पडघम वाजले असताना आता जिल्हा परिषदेची निवडणूक पार पडणार आहे. जिल्हा परिषदेची निवडणूक दोन टप्प्यांत पार पडणार असल्याचे जवळपास निश्चित झाले आहे. पहिल्या टप्प्यात 12 जिल्हा परिषद आणि 125 पंचायत समितीच्या निवडणुका अवघ्या 21 दिवसांत होणार आहेत.