लोकल ट्रेनमध्ये होणारे मृत्यू रोखण्यासाठी रेल्वे प्रशासनाने मोठे पाऊल उचलले आहे. मुंबई रेल्वे विकास महामंडळाने या समस्येवर उपाय म्हणून MUTP-3 अंतर्गत तब्बल 551 कोटी रुपयांचा निधी मंजूर केला आहे. या कामांपैंकी 98 टक्के काम पूर्ण झाल्याची माहिती मिळाली आहे. यात 27 पादचारी पूल, 2 फूटओव्हर ब्रिजचा विस्तार, 2 लिंक वे, 1 मुख्य प्लॅटफॉर्म, 1 सबवे आणि नाहूर-मुलुंडदरम्यान कुंपण उभारण्याचा समावेश आहे. हे सर्व काम मध्य आणि पश्चिम रेल्वे मार्गावर करण्यात आले आहे. “शून्य मृत्यू” मोहिमेअंतर्गत पुढील काळात आणखी उपाययोजना करण्यात येणार असून, येत्या पाच वर्षांत परिस्थितीत मोठ्या प्रमाणात सुधारणा होईल, अशी अपेक्षा व्यक्त करण्यात आली आहे.