कॉलेजमध्ये आता बायोमेट्रिक हजेरी, कॉलेज बुडवणाऱ्या विद्यार्थ्यांवर वॉच

ज्युनिअर कॉलेजला अँडमिशन घ्यायचं...कॉलेजमध्ये फक्त फी भरायची आणि वर्षाच्या शेवटी थेट परीक्षेलाच हजर राहायचं...बाकीचे दिवस फक्त आणि फक्त प्रायव्हेट कोचिंग क्लासेसमध्ये घालवायचे..हा 'डमी स्कूलिंग'चा पॅटर्न महाराष्ट्रात नवा नाही. पण आता या बेकायदेशीर पॅटर्नला ब्रेक लागणार आहे...अकरावी-बारावीच्या विद्यार्थ्यांसाठी 'बायोमेट्रिक हजेरी' बंध

11-12वीच्या विद्यार्थ्यांची कॉलेजमधील हजेरीसाठी बायोमेट्रिक पद्धती

बोर्डाच्या नियमानुसार विद्यार्थ्यांना वर्षभरात 75% उपस्थिती बंधनकारक

कॉलेज बुडवणाऱ्यांवर लक्ष ठेवण्यासाठी प्रत्येक वर्गात CCTV कॅमेरे बसवणं बंधनकारक

हजेरी पडताळणीसाठी वर्गातील CCTVचं व्हिडिओ रेकॉर्डिंग जतन करण्याचे आदेश

महाविद्यालयांनी खासगी कोचिंग क्लासेससोबत केलेल्या करारांची शिक्षण विभागाकडून चौकशी होणार

विद्यार्थ्यांना 75 टक्के उपस्थिती अनिवार्य असूनही कोचिंग क्लासेसमध्ये जाणारे विद्यार्थी कॉलेजमध्ये गैरहजर राहत असल्याच्या तक्रारी शिक्षण विभागाकडे दाखल झालेत... त्यामुळे कृती आराखडा तयार करत बायोमेट्रिक हजेरीचा कठोर निर्णय घेण्यात आलाय... 'नीट' आणि 'जेईई' सारख्या परिक्षांमुळे राज्यातील कनिष्ठ महाविद्यालयांमधील वर्गांमध्ये शुकशुकाट आणि कोचिंग क्लासेसमध्ये गर्दी, असे चित्र गेल्या काही वर्षांत पाहायला मिळतय.... या 'डमी' किंवा 'इंटिअर स्कूलिंग' पॅटर्नला चाप लावण्यासाठी शासनाने 100 कोटींचा मोठा आराखडा तयार करून डमी कोचिंगला चाप लावण्याचा प्रयत्न केलाय...त्यामुळे लाखो रुपयांची फी वसूल करून 'डमी अॅडमिशन'च्या जोरावर दुकानदारी चालवणाऱ्या कोचिंग क्लासेस चालकांचे धाबे दणाणलेत. आता हा आराखडा फक्त कागदावर राहतो की प्रत्यक्षात राज्यात त्याची अंमलबजावणी केली जाते....हे पाहणं महत्त्वाचं आहे...