Thane Local Accident News : ठाण्याजवळ धावत्या लोकलमधून पडून २६ वर्षीय तरूणाचा मृत्यू झाला आहे. कल्याणहून छत्रपती शिवाजी महाराज टर्मिनसला जाणाऱ्या जलद लोकल रेल्वेतून (Kalyan To Mumbai CST local Train) पडून तरूणाचा मृत्यू झाला. मृत्यू झालेल्या तरूणाचे नाव अनिस अहमद असे आहे.

मिळालेल्या माहितीनुसार २६ वर्षीय अनिस हा कल्याण पूर्वेतील पावसे नगर येथील राहणारा आहे. मंगळवारी सकाळी ही दुर्घटना घडली आहे. अनिस सकाळी कामासाठी निघाला होता. लोकलमध्ये प्रचंड गर्दी असल्यमुळे दरवाजात लोंबकळत (Mumbai Local News) प्रवास करत होता. त्यावेळी तोल जाऊन तो खाली कोसळला. यामध्ये अनिस गंभीर जखमी झाला. त्याला तात्काळ रूग्णालयात उपचारासाठी दाखळ केले, पण डॉक्टरांनी त्याला मृत घोषित केले.