मुंबई : रेल्वे रुळावरुन घसरण्याच्या सलग दुसऱ्या घटनेमुळे हार्बर लाईनची वाहतूक ठप्प झालेली आहे. सुदैवाने ही लोकल रिकामी असल्याने दुर्घटना टळली आहे. मात्र या सततच्या घटनेमुळे प्रवाशांमध्ये भितीचे वातावरण आहे. सध्या प्लॅटफार्म नंबर २ सील करण्यात आला असून हार्बरच्या प्रवाशांना मध्य रेल्वेने प्रवास करण्याची मुभा देण्यात आली असून प्लॅटफॅार्म नंबर ३ वरुन पनवेलसाठी गाड्या सोडल्या जात आहेत.