मुंबईत लोकलमध्ये दिवसेंदिवस गर्दी वाढू लागली आहे. मुंबई लोकलमध्ये प्रवाशांना गर्दीच्या वेळी डब्यात व्यवस्थित उभे राहण्यासाठी जागा नसते. लोकलच्या गर्दीचा प्रश्न मिटला नसताना मध्य रेल्वेने एक धक्कादायक निर्णय घेतला आहे. मध्य रेल्वेने लोकलमध्ये १०० कंत्राटी फेरीवाल्यांना अधिकृतपणे विक्रीची परवानगी दिली आहे. २०२३ साली प्रवासी संघटनेच्या विरोधानंतर निर्णय मागे घेण्यात आला होता. परंतु आता संघटनांशी संवाद न साधता मध्ये रेल्वेने कंत्राटी फेरीवाल्यांना परवानगी दिली आहे. यात ५० फेरीवाले मध्य रेल्वे, तर ५० फेरीवाले हार्बर मार्गावर असणार आहेत. मात्र, आधीच गर्दीने भरलेल्या लोकलमध्ये फेरीवाल्यांना परवानगी दिल्याने प्रवाशांच्या अडचणीत भर पडणार आहे.