Shocking : नवरा कामावर बायको घरात एकटी, भाच्याने संधी साधली; रात्री बेडरूममध्ये घुसून मामीवर केला बलात्कार

इटावा जिल्ह्यातील बलराई पोलीस ठाण्याच्या हद्दीत एक अत्यंत धक्कादायक आणि संतापजनक घटना समोर आली आहे. एका विवाहित महिलेवर तिच्याच भाच्याने जबरदस्ती बलात्कार केला असल्याची घटना घडली आहे. या प्रकरणी महिलेने पोलीस ठाण्यात धाव घेत तक्रार दाखल केली आहे. या प्रकरणामुळे संपूर्ण परिसरात खळबळ उडाली आहे. या घटनेमुळे महिलांच्या सुरक्षेबाबत प्रश्न उपस्थित झाले आहेत.

पीडित महिलेने दिलेल्या तक्रारीनुसार, संबंधित आरोपी हा तिचा भाचा असून, ओळखीचा असल्यामुळे त्याचा घरात वावर होता. घटनेच्या दिवशी रात्री उशिरा आरोपीने घरात प्रवेश केला आणि परिस्थितीचा गैरफायदा घेत पीडितेवर बलात्कार केल्याचा आरोप महिलेने केला आहे. या वेळी घरी कोणीही नसून घरात फक्त महिला आणि तिची दोन लहान मुलेच होती, असं महिलेने तक्रारीत म्हटले. दरम्यान घटनेवेळी पीडितेचा पती गुजरातमध्ये कामाच्या निमित्ताने गेला होता.

महिलेने सांगितले की, घटनेनंतर तिने तत्काळ धैर्य दाखवत पोलिसांशी संपर्क साधला आणि संपूर्ण प्रकाराची माहिती दिली. तिच्या तक्रारीच्या आधारे बलराई पोलीस ठाण्यात गुन्हा दाखल करण्यात आला आहे. पोलिसांनी भारतीय दंड संहितेच्या संबंधित कलमांनुसार गुन्हा नोंदवून तपास सुरू केला आहे. सध्या पोलिस आरोपीचा शोध घेत असून, लवकरच त्याला अटक करण्यात येईल, असा विश्वास व्यक्त केला जात आहे.

या प्रकरणाचा तपास अत्यंत गांभीर्याने केला जात असून, सर्व पुरावे आणि साक्षींच्या आधारे पुढील कारवाई करण्यात येणार असल्याचे पोलिसांनी स्पष्ट केले आहे. या घटनेमुळे परिसरात भीतीचे वातावरण निर्माण झाले असून, नागरिकांनी महिलांच्या सुरक्षेबाबत अधिक सतर्क राहण्याची गरज व्यक्त केली आहे.