मुंबई-गोवा महामार्गावर रायगड जिल्ह्यात आज कोकणात जाणाऱ्या मार्गावर जोरदार वाहतूक कोंडी निर्माण झाली आहे. माणगाव बाजारपेठ पासून तिलोरे फाट्या पर्यंत सुमारे ५ किलोमीटरपर्यंत वाहनांच्या रांगा लागल्या आहेत.

सलग आलेल्या सुटयांमुळे प्रवाशांची संख्या वाढल्याने महामार्गावरील वाहने हळूहळू चालत आहेत. स्थानिक पोलिसांनी वाहतूक सुरळीत करण्यासाठी प्रयत्न सुरू केले असून, वाहनचालकांनी संयम राखून मार्गक्रमण करण्याचे आवाहन केले आहे.

वाहतूक कोंडीमुळे प्रवाशांना वेळेत पोहोचण्यात अडचणी येत आहेत. पोलिसांनी मार्गावर वाहने नियमन करण्यासाठी तातडीने उपाययोजना केली आहे.