मयूर राणे, साम प्रतिनिधी

मुंबई पूर्व द्रुतगती मार्गावर वाहतूक कोंडी झाली असून साधरण आठ किलोमीटरपर्यंत वाहनांच्या रांगा लागल्या आहेत. मुंबईवरून ठाण्याच्या दिशेने जाणाऱ्या वाहनांच्या लांबच लांब रांगा लागल्या आहेत. विद्याविहार, घाटकोपर, विक्रोळी कांजूरमार्ग, भांडुप नाहूर मुलुंड या विभागात वाहनाच्या लांबच लांब रांगा लागल्या आहेत. सलग सुट्ट्यांमुळे पर्यटक घराबाहेर पडलेत. कल्याण-शिळ, भिवंडी आणि शिळफाटा मार्गांवर काल रात्रीपासूनच वाहनांच्या लांब रांग लागली होती. शिळफाटा रोडवर मोठ्या प्रमाणात ट्रॅफिक जाम झाला आहे.मोठ्या वाहतूक कोंडीमुळे वाहन चालकांना तासन्तास रस्त्यावर अडकून रहावे लागत आहे.