दिल्लीमध्ये बॉम्बस्फोटाची घटना ताजी असतानाच मुंबईतील वर्दळीचे ठिकाण असलेल्या सीएसएमटी रेल्वे स्थानकाबाहेर लाल रंगाची बेवारस बॅग सापडल्यामुळे एकच खळबळ उडाली. घटनेची माहिती मिळताच पोलिस आणि बॉम्ब शोधक पथकाने घटनासथळी धाव घेतली. बॅग असलेला संपूर्ण परिसर पोलिसांनी सील केला. त्यानंतर बॉम्ब शोधक पथकाने या बॅगची तपासणी केली. या बॅगमध्ये काही कपडे आणि वस्तू आढळून आल्या. त्यामुळे पोलिसांह घटनास्थळी असणाऱ्या नागरिकांनी सुटकेचा निश्वास सोडला. सध्या पोलिसांकडून ही बॅग नेमकी कुणाची आहे आणि ती याठिकाणी का आणून ठेवली याचा तपास केला जात आहे.