लाडकी बहीण योजनेवरुन काँग्रेसच्या खासदार वर्षा गायकवाड या आज लोकसभेत आक्रमक झाल्या होत्या. अनुसूचित जाती जमातीच्या उपयोजनांसाठीचा जो निधी आहे तो तात्काळ थांबवा अशी मागणी वर्षा गायकवाड यांनी लोकसभेत केली. या निधीचा सर्व वापर लाडक्या बहिणी योजनेसाठी केला जात आहे. शिक्षण, आरोग्य, पोषण, महिला कल्याण, आणि आर्थिक विकासासाठीच हा निधीचा वापर व्हायला पाहिजे. पण या सर्व निधीचा वापर लाडकी बहिण योजनेसाठी केला जात आहे असा खासदार गायकवाड यांचे म्हणणे आहे.

भारतीय संविधानामध्ये अनुसूचित जाती आणि जमाती यासाठी विशेष तरतूद केली आहे. त्यांच्या जनगणनेनुसार निधी मिळेल अशी तरतूद देखील केली आहे. मात्र, हा निधी कधी जलसंधारण कधी रस्ते डांबरीकरण यासाठी वळला जातो यावेळेस तो निधी लाडकी बहीण योजनेसाठी वळवला आहे असा आरोप खासदार वर्षा गायकवाड यांनी केला आहे.