राज ठाकरे यांची स्क्रिप्ट देवेंद्र फडणवीस यांनी लिहिलेली असते. भाजपच्या नादी लागलेला माणूस अजून काय बोलणार? राज ठाकरे जर ठाकरे आहेत तर मीसुद्धा संजय राऊत आहे. या राऊतला बाळासाहेबांनी घडवलं आहे, असा पलटवार ठाकरे गटाचे नेते संजय राऊत यांनी मनसे अध्यक्ष राज ठाकरे यांच्यावर केला आहे. शनिवारी प्रसारमाध्यमांना बोलताना त्यांनी ही प्रतिक्रिया दिली आहे. राज ठाकरेंनी मला शिकवण्याची गरज नाही. ज्याला जशी भाषा समजते तीच भाषा मी वापरतो, असंही यावेळी राऊत यांनी म्हंटलं आहे.

पुढे बोलताना राऊत म्हणाले की, राज ठाकरे यांच्यावर ईडीची टांगती तलवार आहे, त्यामुळे त्यांना असं बोलावंच लागेल. ते ज्या ठिकाणी बोलले आहे त्या ठिकाणी गुंडांच्या माध्यमातून विधानसभा लढवली जात आहे. गुंडांना वापरुन जर एकनाथ शिंदे आणि भाजप ही निवडणूक लढवत असतील तर या पुढे जे घडेल त्याची जबाबदारी पोलीसांवर असेल. भाजपच्या नादी लागलेला माणूस अजून दुसर काय बोलेल? असा टोला देखील संजय राऊत यांनी लगावला आहे.

Edited By Rakhi Rajput