खासदार संजय राऊत यांच्या घराची रेकी केली असल्याचा मुद्दा आमदार भास्कर जाधव यांनी विधानपरिषदेत उपस्थित केला आहे.खासदार संजय राऊत यांच्या घराबाहेर रेकी केली असून याप्रकरणी कारवाई करण्याची मागणी ठाकरे गटाच्या आमदारांनी केली आहे.

विधानपरिषदेत आमदार भास्कर जाधव यांनी हा मुद्दा उपस्थित केला आहे. संजय राऊतांचा भांडुपमधील घरी ही रेकी झाली आहे. याचा सीसीटीव्ही व्हिडिओदेखील समोर आला आहे. या व्हिडिओत खासदार संजय राऊत यांच्या घराबाहेर दोन अज्ञात व्यक्ती बाईकवरुन आल्याचे दिसत आहे. ते त्यांच्या घराबाहेर वावरताना दिसत आहे. खासदार संजय राऊतांच्या सुरक्षिततेत वाढ करण्याचीही मागणी केली जात आहे.

खासदार संजय राऊतांच्या घराची आज सकाळी पाहणी करण्यात आली आहे. त्यांच्या हातात मोबाईल होता. दोघे अज्ञात व्यक्तींकडून ही पाहणी करण्यात आली होती. तर या बाईकचा नंबर चेक करण्यात आला तर तो बिहारचा असल्याचे समजले. त्यामुळे संजय राऊतांच्या सुरक्षितते वाढ करण्याची मागणी केली जात आहे.

या घटनेनंतर संजय राऊत यांचे बंधू सुनील राऊत यांनी कांजूरमार्ग पोलीस स्टेशनला कळवले असता सीसीटीव्ही आणि गाडीचा नंबर चेक नक्की कुठल्या विभागातली आहे हे तपासात आहे सीसीटीव्ही मध्ये पाहिलं असता मागील जो बाइक वर बसला आहे त्याच्याकडे दहा हुन अधिक मोबाईल असल्याचे दिसून येत आहे.