महामुंबईतील विविध महानगरपालिकांमध्ये महाराष्ट्र नवनिर्माण सेनेने भाजपच्या उमेदवारांच्या विरोधात १०१ ठिकाणी, तर शिंदेसेनेच्या उमेदवारांच्या विरोधात ८९ ठिकाणी थेट लढत उभी केली आहे. त्यामुळे महायुतीसमोर मनसेचे मोठे आव्हान निर्माण झाले आहे. वसई–विरार महापालिकेचा अपवाद वगळता इतर बहुतेक महापालिकांमध्ये ठाकरे बंधूंची युती कायम असल्याचे चित्र पाहायला मिळत आहे. या राजकीय गणितांमुळे निवडणुकीची रंगत अधिक वाढली आहे.

मुंबईमध्ये ३३ जागांवर मनसे विरुद्ध भाजप अशी लढत होणार आहे. ठाण्यातील ८ ठिकाणी भाजपला मनसेचे आव्हान असेल. नवी मुंबईमध्ये २५ ठिकाणी भाजपविरोधात मनसेने आपले उमेदवार उभे केले आहेत. कल्याण-डोंबिवलीमध्ये १४ ठिकाणी मनसे भाजपला भिडणार असल्याचे चित्र पाहायला मिळत आहे.