परप्रांतीय व्यापाऱ्यांनी काढलेल्या मोर्चायाविरोधात मराठी भाषिकांकडून मीरारोडमध्ये काढण्यात आलेल्या मोर्चात सहभागी होण्यासाठी आता मुंबईतूनही मनसेचे कार्यकर्ते मोठ्या प्रमाणात मीरारोडमध्ये सहभागी झाले होते. पोलिसांनी पहाटे 3 वाजताच मनसेचे नेते अविनाश जाधव यांना अटक केली होती. यावरून मनसे कार्यकर्ते संतापले होते. पोलिसांच्या या भूमिकेवर टीका करत मुंबईचे शहर अध्यक्ष संदीप देशपांडे आणि नितीन सरदेसाई देखील मोर्चात सहभागी झाले होते. मोर्चात सहभागी होण्यासाठी हे दोघेही लोकलने मीरा भाईंदरला पोहचले होते. तसेच या मोर्चाला ठाकरे गटाचे नेते माजी खासदार राजन विचारे हे देखील सहभागी झाले होते. हा मोर्चा यशस्वी झाल्याने मनसे कार्यकर्त्यांकडून म.. मराठीचा, म महाराष्ट्राचा, म.. मीरा भाईंदरचा अशी घोषणाबाजी देण्यात आली.