थंड हवेचे ठिकाण असलेल्या माथेरानमध्ये घोड्यांना डोळ्याच्या अज्ञात आजाराची लागण झाली आहे. गेल्या विस दिवसांपासून उद्भवलेल्या या आजारामध्ये घोड्यांना दृष्टी दोष निर्माण होत आहे. प्रथम डोळ्यांना सुज, डोळ्यांच्या रंगात बदल आणि दृष्टी कमी होत जाण्याची लक्षण दिसत आहेत. हा आजार नक्की काय आहे हे अद्याप समजले नसुन या आजाराची 11 घोड्यांना लागण झाली आहे.

घोडा हा माथेरानकरांसाठी केवळ एक प्राणी नसून तो त्यांच्या कुटुंबातील एक सदस्य, उत्पन्नाचे साधन आहे. घोड्यांना अज्ञात आजाराची लागण झाली आहे. मात्र, शासनाच्या पशू वैद्यकिय विभागाकडून योग्य उपचार मिळत नसल्याने येथील अश्वपालक खाजगी डॉक्टरद्वारे उपचार करून घेत आहेत. यामुळे येथील पशु वैद्यकिय विभागावर नाराजी व्यक्त होत असून शासनाने हा आजार कोणता आहे, आजाराचे कारण काय आहे हे शोधुन योग्य उपचार करावेत अशी मागणी अश्वपालकांकडून केली जात आहे.