अमोल कलये, रत्नागिरी | साम टीव्ही

Ratnagiri Chiplun MIDC Fire News : रत्नागिरीतील चिपळूण खेर्डी एमआयडीसीत थ्री एम पेपर मिल कंपनीला भीषण आग लागली. काही वेळातच आगीनं रौद्ररूप धारण केलं. कागदाचा साठा अधिक असल्यानं आग आणखी पसरली.

या घटनेची माहिती मिळाल्यानंतर अग्निशमन दलाला पाचारण करण्यात आले. या कंपनीत कागदाचा साठा मोठ्या प्रमाणात होता. त्यामुळं आगीनं रौद्ररूप धारण केलं. बघता बघता आग इतरत्र पसरली. अग्निशमन दलाच्या गाड्या घटनास्थळी पोहोचल्या. अर्ध्या तासाहून अधिक काळ झाला तरी आगीची तीव्रता कमी होत नव्हती. आगीवर नियंत्रण मिळवण्यासाठी चिपळूण नगरपालिकेच्या अग्निशमन दलाची गाडी घटनास्थळी पोहोचली. आगीवर नियंत्रण मिळवण्याचे प्रयत्न सुरू होते.