मराठा आंदोलक मनोज जरांगे आज धारशिव दौऱ्यावर होते. यावेळी त्यांनी पुन्हा एकदा आंदोलनाचे हत्यार उपसणार असल्याचा इशारा दिला आहे. मनोज जरांगे म्हणाले, शेतकऱ्यांच्या प्रश्नावर दिवाळी झाल्यावर राज्यव्यापी बैठक घेऊन आंदोलन उभारणार आहे. असं आंदोलन उभं करावं लागेल की इथून पुढे आणि इथुन मागे 100 वर्षात असं आंदोलन कोणी केलं नसेल. शेतकऱ्यांच्या मागण्या मान्य करुन घ्याव्या लागतील. मुंडक्यावरच पाय द्यावा लागेल नुसतं वावरात फिरल्याने, भाषण केल्याने, चिखलात फिरल्याने शेतकऱ्यांचा उद्ध्वस्त झालेला संसार भरून निघणार नाही. शेतकऱ्याच्या पिकाला चांगला भाव द्यायचा असेल कर्जमुक्ती करायची असेल, नुकसानीची शंकर टक्के भरपाई द्यायची असेल तर ताकतीने आंदोलन लाऊन धरावं लागणार आहे, त्यासाठी मी प्रयत्न करतोय असे मनोज जरांगे यांनी इशारा दिला आहे.