ओबीसी प्रवर्गातून आरक्षण मिळावे या मागणीसाठी मराठा आंदोलक मनोज जरांगे पाटील हे मुंबईच्या दिशेने लाखोंच्या संख्येने कूच करत आहे. यावेळी त्यांनी सरकारवर जोरदार प्रहार करत देवेंद्र फडणवीस यांच्यावर पुन्हा एकदा निशाणा साधलाय. आरक्षणाच्या मुद्द्यावरून मनोज जरांगे एककडे मुख्यमंत्र्यांवर टीका करतायत आणि दुसरीकडे दोन्ही उपमुख्यमंत्र्यांचं कौतुक केलंय त्यामुळे चर्चेला उधाण आलंय. एकनाथ शिंदे खरा माणूस आहे. त्यांना जनतेच्या वेदना समजतात. तर अजितदादा गरिबांचे प्रश्न तातडीने सोडवतात असं जरांगेंनी म्हटलंय तर जरांगे पाटलांनी एकनाथ शिंदे आणि अजित पवारांचं कौतुक केल्यामुळे अनेकांच्या भुवया उंचावल्या आहेत.