जालना जिल्ह्यातील निरखेडा गावात साप पकडण्याचा प्रयत्न एका तरुणाच्या जीवावर बेतले आहे. तीस वर्षीय तरुणाने साप पकडण्याचे धाडस केले आहे. मात्र साप पकडत असताना त्यादरम्यान सापाने त्याला चावा घेतला. गंभीर अवस्थेत त्याला उपचारासाठी रुग्णालयात नेण्यात आले पण उपचारादरम्यान या तरुणाचा दुर्देवाने मृत्यू झााला आहे. तरुणाच्या मृत्यूमुळे गावात हळहळ व्यक्त केली जात आहे. दरम्यान सापाबद्दल योग्य ज्ञान किंवा अनुभव नसणाऱ्यांनी साप पकडण्याचे धाडस करू नये असंच या घटनेनंतर म्हणावं लागेल.तज्ज्ञांच्या सल्ल्याशिवाय अशा प्रकारचं धाडस करू नये, असे आवाहन करण्यात आले आहे.