मालेगावमध्ये निवडणुकीच्या वादातून एमआयएमच्या उमेदवारावर हल्ला करण्यात आला. निवडणूक आणि राजकीय वादातून हा हल्ला करण्यात आला. मालेगावमधील मुंबई- आग्रा महामार्गावर रात्री अडीच वाजताच्या सुमारास ही घटना घडली. पोलिंग एजंटच्या कामासाठी जाऊन परत येत असताना प्रभाग क्रमांक ४ मधील एमआयएमचे उमेदवार विशाल अहिरे यांच्यावर हल्ला करण्यात आला. निवडणूक आणि राजकीय वादातून दोन दुचाकींवर आलेल्या ३ अज्ञात जणांनी त्यांच्यावर हल्ला केला. त्यांच्या वाहनावर रात्री तुफान दगडफेक करण्यात आली. यावेळी जीव वाचवण्यासाठी जोरात वाहन पळवत त्यांनी सायने गाव गाठले. गावातील नागरिकांना घेऊन त्यांनी थेट पोलिस स्टेशन गाठून तक्रार दाखल केली. या प्रकरणी पोलिसांनी गुन्हा दाखल केला असला तरी अद्याप कुणालाही अटक करण्यात आली नाही.