Mumbai Maharashtra Weather Update : भारतीय हवामान खात्याने (IMD) मुंबईसह कोकण किनारपट्टीवर आज मुसळधार पावसाचा अंदाज वर्तवला आहे. मुंबई शहराला 'येलो अॅलर्ट' जारी करण्यात आला असून, पुढील काही दिवस पावसाचा जोर कायम राहण्याची शक्यता आहे. रायगड, रत्नागिरी आणि सिंधुदुर्ग जिल्ह्यांना आज 'येलो अॅलर्ट', तर रविवार आणि सोमवारी 'ऑरेंज अॅलर्ट' देण्यात आला आहे. कोल्हापूरच्या घाट परिसरातही आज 'येलो अॅलर्ट' असून, पुढील दोन दिवस 'ऑरेंज अॅलर्ट' आहे. मुसळधार पावसामुळे सखल भागात पाणी साचण्याची आणि वाहतूक विस्कळीत होण्याची शक्यता आहे. नागरिकांना सतर्क राहण्याचे आणि हवामान अपडेट्सवर लक्ष ठेवण्याचे आवाहन प्रशासनाने केले आहे.