महाराष्ट्रातील प्राथमिक व माध्यमिक शाळांमधील शिक्षक आणि शिक्षकेतर कर्मचाऱ्यांच्या प्रलंबित मागण्यांसाठी राज्यात मोठी चळवळ उभारली आहे. पुण्यात झालेल्या विशेष बैठकीत महाराष्ट्र राज्य मुख्याध्यापक संघ महामंडळाने आक्रमक भूमिका घेत ५ डिसेंबर रोजी राज्यव्यापी शाळाबंदी आणि जिल्हाधिकारी कार्यालयांवर मोर्चाचे आयोजन जाहीर केले. महामंडळाने सरकारकडे वारंवार मागण्या केल्या तरी मागण्यांवर ठोस भूमिका न घेतल्याचा आरोप करत हा संप पुकारण्यात आला आहे. या सर्व कारणांमुळे राज्यातील सर्व शाळा बंद राहणार आहे.