अजित पवार आमच्यासोबत आल्याने आमचं वाटोळं झालं, असं विधान बीडचे भाजपचे आमदार सुरेश धस यांनी केलं होतं. लोकसभा निवडणुकीत आमच्या महायुतीत तिसरा पक्ष का आला? हेच लोकांना सहन झालं नाही म्हणून आमच्या कमी जागा निवडून आल्या, असंही सुरेश धस म्हणाले होते. दरम्यान, आमदार धस यांच्या या विधानावर राष्ट्रवादी काँग्रेसचे प्रवक्ते अमोल मिटकरी यांनी पलटवार केला आहे.

आमची लायकी आणि औकात काढण्याचं एवढंच काम भाजप नेत्यांकडे राहिलं आहे. सुरेश धस साहेबांनी उत्तर द्यावं, की पंकजा मुंडे यांचा पराभव कसा झाला आणि बाप्पा कसे निवडून आलेत. कुणामुळे निवडून आले हे कृपया करून आम्हाला उघड करायला लावू नका, असा इशाराही मिटकरी यांनी दिला आहे.