नाशिक महानगरपालिका निवडणुकीत प्रभाग क्रमांक 11 मधून एक वेगळाच निकाल समोर येत आहे. कारागृहातूनच निवडणूक लढवणारे रिपब्लिकन पार्टी ऑफ इंडिया आरपीआय चे उमेदवार प्रकाश लोंढे हे पहिल्या फेरीत आघाडीवर असल्याची माहिती मिळत आहे.

आज सकाळी 10 वाजल्यापासून सुरू झालेल्या मतमोजणीत पहिल्याच फेरीत प्रकाश लोंढे यांनी प्रतिस्पर्धी उमेदवारांवर आघाडी घेतली आहे. कारागृहात असतानाही त्यांनी निवडणूक लढवल्याने या प्रभागातील लढत राज्यभर चर्चेचा विषय ठरली होती.

मतमोजणीच्या पुढील फेर्‍यांकडे सर्वांचे लक्ष लागले असून अंतिम निकाल काय लागतो, याकडे राजकीय वर्तुळाचे लक्ष आहे. प्रभाग क्रमांक 11 मधील हा निकाल नाशिकच्या राजकारणात मोठा ट्विस्ट ठरू शकतो. गोळीबार, खंडणी, खून अशा अनेक गुन्ह्याची पार्श्वभूमी या कुख्यात गुंडावर आहे. मकोका देखील प्रकाश लोंढेवर लावण्यात आला होता.