Ladki Bahin Yojana Scam : लाडकी बहीण योजनेत बोगस लाभार्थ्यांमुळे राज्य सरकारचं तब्बल 32 कोटी रुपयांचं नुकसान झालंय. सरकारनं विधानसभेत या नुकसानीची कबुली दिली आहे. 26 लाख अपात्र महिला आणि 14 हजार 297 पुरुषांनी या योजनेचा गैरलाभ घेतल्याचे सांगण्यात आले. यात साडेनऊ हजार शासकीय कर्मचाऱ्यांचाही समावेश आहे. चुकीच्या पद्धतीनं लाभ घेतलेल्या शासकीय कर्मचारी आणि पुरुषांकडून ही रक्कम वसूल केली जाणार असल्याची माहिती सरकारनं लेखी स्वरूपात दिली आहे.

नोव्हेंबर आणि डिसेंबर महिन्याचा हप्ता लवकरच पात्र लाभार्थी महिलांच्या खात्यात जमा होण्याची शक्यता आहे.दरम्यान, ३१ डिसेबरपर्यंत लाडकी बहीण योजनेसाठी केवायसी पूर्ण करायची आहे. ज्यांची केवायसी पूर्ण नाही, त्यांना या योजनाचा लाभ बंद होईल. मुख्यमंत्री माझी लाडकी बहीण योजना अंतर्गत राज्य सरकारकडून पात्र महिलांना प्रति महिना १५०० रूपयांचे मानधन दिले जाते.