गेल्या काही दिवसांपासून राज्यात अनेक ठिकाणी धर्मांतराच्या घटना घडत असल्याचा मुद्दा भाजप आमदार उमा खापरे यांनी उपस्थित केला. सांगली येथे ऋतुजा या विवाहित मुलीला जबरदस्तीने ख्रिश्चन धर्म स्वीकारण्यासाठी जबरदस्ती करून पाद्रीने आणि तिच्या कुटुंबाने छळ केला होता. यामुळे तिने स्वतःचे जीवन देखील संपवले. तिच्या पोटात 7 महिन्याचे बाळ देखील होते. यावरून राज्यात मोठी खळबळ उडाली आहे.

अनेक आदिवासी पाडे आणि मागासवर्गीय लोकांचे ख्रिश्चन धर्मांतरण केल्याचा प्रकार राज्यात समोर येत असून आता याचे पडसाद विधानभवनात देखील उमटले आहे. धर्मांतर कायद्यासाठी तत्कालीन गृहमंत्री यांनी समिती गठीत केली होती. मात्र, त्याचा अहवाल अद्यापही आला नाही असा जाब भाजप आमदार उमा खापरेंनी सरकारला विचारला. त्यावर गृहराज्यमंत्री मंत्री पंकज भोयर यांनी एका महिन्याच्या आत अहवाल घेऊ असं आश्वासन सभागृहात दिलं.