गेल्या काही दिवसांपासून महाराष्ट्रपेक्षा स्वस्त असलेल्या गोवा येथील दारूची तस्करी सिंधदुर्ग आणि अन्य राज्यात सर्रास सुरू होती.यावर राज्य उत्पादन शुल्क विभागाची करडी नजर होती.या अवैध दारू विक्री करणाऱ्यांच्या मुसक्या आवळून त्यांच्याकडे असलेला दारूचा मुद्देमाल हा रोडरोलर खाली चिरडण्यात आला.

एक्साईज निरीक्षक कुडाळ यांच्या पथकाने २०१८ ते २०२४ दरम्यान तब्बल २ कोटी ६९ लाख २२ हजार ७९२ रुपये किमतीचा गोवा बनावटीचा जप्त केला. हा अवैध दारूसाठा गोदाममध्ये पडून होता. शासकीय नियमानुसार ह्या मुदेमालाची विल्हेवाट लावणे आवश्यक असते. २ कोटी ६९ लाख हून अधिक किमतीच्या अवैध दारूचा नाश न्यायालयाच्या आदेशानुसार करण्यात आला.ओरोस येथील शासकीय जागेत दारूच्या साठ्यावर रोलर चालवून या दारूच्या बाटल्या नष्ट करण्यात आल्या.