मुख्यमंत्री लाडकी बहीण योजनेला राज्यभरातून चांगला प्रतिसाद मिळत आहे. तर दुसरीकडे या योजनेमध्ये बोगस लाभार्थीचे रॅकेट समोर आले आहे. लाडकी बहीण योजनेचा लाभ घेण्यासाठी परराज्यातील बोगस लाभार्थींचे रॅकेट असल्याची माहिती उघड झाली आहे.

लातूर आणि सांगली जिल्ह्यातील अंगणवाडी सेविका असल्याचे दाखवून बोगस लॉगिन आयडी तयार केले आणि त्याद्वारे तब्बल ११७१ अर्ज दाखल केल्याची धक्कादायक माहिती उघड झाली आहे. हे बोगस लाभार्थी महाराष्ट्रातील नाही तर उत्तर प्रदेश, आसाम, पश्चिम बंगाल आणि राजस्थानमधील आहेत. या बोगस लाभार्थींनी ते महाराष्ट्रातील विविध जिल्ह्यांमधील रहिवासी असल्याचे दाखवले आहे.

कागदपत्र अस्पष्ट, आधार क्रमांकाद्वारे फसवणूक करण्यात आली आहे. दोन लॉगइनवरून ११७१ अर्ज दाखल करण्यात आले आहेत. त्यापैकी २२ अर्ज हे बार्शी तालुक्यातील आहेत. या बोगस लाभार्थीचे लाभ थांबवण्यात आले आहे. याप्रकरणी सोलापूर जिल्ह्यातल्या बार्शी शहर पोलिस ठाण्यात गुन्हा दाखल करण्यात आला आहे.