आज विधिमंडळाच्या पावसाळी अधिवेशनाचा शेवटचा दिवस आहे. ठाकरे गटाचे आमदार अनिल परब यांनी गृहराज्यमंत्री अनिल परब यांच्यावर गंभीर आरोप केले.

गृहराज्यमंत्री योगेश कदम यांच्या आई ज्योती रामदास कदम यांच्या नावे कांदिवलीतील सावली डान्सबार असल्याचा त्यांनी आरोप केला आहे. पोलिसांनी या बारवर धाड टाकून 22 बारबाला ताब्यात घेतले आहे. डान्सबारवर बंदी असताना देखील हा बार कसा सुरू आहे? असा प्रश्न अनिल परब यांनी उपस्थित केला. अंतिम आठवडा प्रस्तावावर अनिल परब बोलत होते. ते म्हणाले, कांदिवली येथे सावली बार आहे. या ठिकाणी पोलिसांनी धाड टाकली, त्यावेळी 22 बारबाला पकडल्या गेल्या. 22 बारबाला 22 कस्टमर आणि 4 कर्मचाऱ्यांना पकडण्यात आले. या ठिकाणी पोलिसांनी पंचनामा केला. त्या बारचे परमिट ज्योती रामदास कदम यांच्या नावे आहे. त्या गृहराज्यमंत्र्यांच्या मातोश्री आहेत,असा आरोप परब यांनी केला.