पुण्याच्या जुन्नरमध्ये जिल्हा परिषदेचे माजी अध्यक्ष देवराम लांडेनी थेट लंगोट घालून जल्लोष केला. देवराम लांडे यांची सून मोनाली अमोल लांडे यांनी राष्ट्रवादी काँग्रेस अजित पवारांच्या पक्षातून निवडणूक लढवली होती. घड्याळाच्या चिन्हावर त्या विजयी झाला. सून भरघोस मतांनी विजयी झाल्यानंतर देवराम लांडे यांनी अजितदादांचा फोटो हातात घेऊन जल्लोष केला. लंगोट घालून आणि गुलालाची उधळण करत कार्यकर्त्यांसह त्यांनी विजयोत्सव साजरा केला. देवराम लांडे नेहमीच या नाही तर त्या कारणामुळे चर्चेत असतात. विजयी जल्लोषात ही तोच कित्ता त्यांनी गिरवला.