दिंडोरी लोकसभा मतदारसंघात नवा ट्विस्ट निर्माण झाला आहे. जे पी गावित यांनी उमेदवारी अर्ज मागे घेतल्यामुळं राष्ट्रवादी काँग्रेस शरदचंद्र पवार पक्षाला मोठा दिलासा मिळाला आहे. गावित यांनी शरद पवार गटाच्या उमेदवाराला पाठिंबाही जाहीर केला.

आताही काही लोकांचे आम्हाला फोन आले. तुम्ही माघार घेऊ नका असं सांगितलं. पण आम्ही पक्षाशी बांधिल आहोत. त्यामुळं पक्षाने जो आदेश दिला, त्याप्रमाणे आम्ही माघार घेतली आहे, असंही गावित म्हणाले. पक्षाकडून कोणता शब्द किंवा आश्वासन दिलं आहे का, असं विचारलं असता तसा काही शब्द दिला नाही. पक्षाचा आदेश आम्ही पाळला आहे, असं त्यांनी स्पष्ट केलं.