भारत पाकिस्तान या दोन्ही देशांमधील संबंध ताणल्याने IPL 2025 एका आठवड्यासाठी स्थगित करण्याचा निर्णय बीसीसीआयकडून घेण्यात आला होता. पंजाब विरुद्ध दिल्ली हा शेवटचा सामना खेळण्यात आला. त्यानंतर स्पर्धा स्थगित करण्यात आली. या स्पर्धेचा अंतिम सामना २५ मे रोजी खेळला जाणार होता. पण युद्धजन्य परिस्थितीमुळे सामने पुढच्या तारखांना खेळले जाणार असल्याचा अंदाज वर्तवला जात आहे. इंडियन एक्स्प्रेसच्या माहितीनुसार, आयपीएल २०२५ चा अंतिम सामना ३० मे रोजी खेळवला जाईल. स्पर्धेतील उर्वरित सामन्यांना १६ किंवा १७ मे रोजी सुरुवात होईल असेही म्हटले जात आहे. हे सामने चेन्नई, बंगळुरू आणि हैदराबाद या ठिकाणी खेळवले जातील अशी शक्यता वर्तवली जात आहे. बीसीसीआय आयपीएल संबंधित अधिकृत घोषणा लवकरच करणार आहे.