पनवेलमधून एक धक्कादायक बातमी समोर आली आहे. 3 वर्षापर्यंतच्या मुलांना देण्यात येणाऱ्या पोषण आहारात किडे सापडले आहेत.त्यामुळे लहान मुलांच्या आरोग्याचा प्रश्न पुन्हा ऐरणीवर आलाय. याआधी देखील अनेक जिल्ह्यात अशाच पोषण आहारात आळया सापडल्याचा धक्कादायक प्रकार समोर आला होता. पोषण आहारात किडे आढळल्याने पनवेलच्या पंचायत समितीमधील महिला एवं बालविकास कार्यालयात तक्रार देखील करण्यात आली आहे. दरम्यान किडे लागलेले पोषण आहार पुरवणाऱ्या कंत्राटदाराला काढून टाकण्याची मागणी केली जात आहे.