Kolhapur Politics : पुरोगामी महाराष्ट्राला काळीमा फासणारा प्रकार; कोल्हापुरात प्रचार पत्रकावर तांदूळ, कापलेला लिंबू, अंगारा

रणजीत माजगावकर, साम टीव्ही

kolhapur News : कोल्हापूर जिल्ह्यात विधानसभा निवडणुकीचे राजकीय वातावरण चांगलेच तापले आहे. यादरम्यान, कागल तालुक्यात जैन्याळ गावामध्ये महाविकास आघाडीचे उमेदवार समरजीत घाटगे यांच्या फोटो असलेल्या पॅम्पलेटवर करणी करण्याचा प्रकार आढळला आहे. याठिकाणी प्रचार पत्रकावर तांदूळ, नारळ, ब्लाउज पीस, अर्धा कापलेला लिंबू, अंगारा असे साहित्य आढळले.

परिसरात रविवारी सकाळी फिरावयास गेलेल्या नागरिकांना हा प्रकार दिसला. यानंतर घाटगे समर्थकांनी या प्रकरणाची दखल घेऊन थेट महायुतीचे उमेदवार हसन मुश्रीफ यांच्यावर थेट आरोप केले.