दारु पिणाऱ्यांसाठी महत्त्वाची बातमी आहे. जर तुम्ही विम्यासाठी दावा करताना दारु पिताय ही माहिती लपवली तर तुम्हाला क्लेम फेटाळला जाईल. याबाबत सुप्रीम कोर्टाने निकाल दिला आहे.

सुप्रीम कोर्टाने महत्त्वाचा निकाल देत स्पष्ट केलं आहे की, दारू पिण्याची सवय लपवल्यास विमा दावा फेटाळला जाऊ शकतो. एलआयसीने ‘जीवन आरोग्य’ योजनेंतर्गत एका व्यक्तीच्या रुग्णालय खर्चाचा दावा नाकारला होता. त्या व्यक्तीने पॉलिसी खरेदी करताना मद्यपानाच्या सवयीबाबत चुकीची माहिती दिली होती. 2013 मध्ये खरेदी केलेल्या या पॉलिसीनंतर एका वर्षाने संबंधित व्यक्तीचं रुग्णालयात निधन झालं. पत्नीने उपचार खर्चासाठी विमा दावा दाखल केला, मात्र एलआयसीने तो नाकारला. या निर्णयाला सर्वोच्च न्यायालयात आव्हान देण्यात आलं, पण न्यायालयाने एलआयसीच्या बाजूने निकाल दिला.