संपूर्ण राज्यात उन्हाच्या झळा जाणवत असताना कोल्हापूर जिल्ह्यातील शाहुवाडीत मात्र अवकाळी पावसाने जोरदार हजेरी लावली. विजांच्या कडकडाटासह झालेल्या या पावसाने नागरिकांना काहीसा दिलासा मिळाला आहे.

गेल्या काही दिवसांपासून वाढत्या उष्णतेने नागरिक हैराण झाले होते. तापमान सतत वाढत असून उन्हाचा तडाखा अधिक जाणवत होता. मात्र, अचानक आलेल्या या अवकाळी पावसामुळे तापमानात काहीशी घट होण्याची शक्यता आहे.

शाहुवाडीसह परिसरातही ढगाळ वातावरण निर्माण झाले होते. दुपारी अचानक विजांच्या कडकडाटासह पावसाला सुरुवात झाली आणि काही वेळातच जोरदार सरी बरसल्या. मात्र अवकाळी पावसामुळे शेतातील पिकांचे नुकसान होण्याची भीती शेतकऱ्यांनी व्यक्त केली आहे.