नगर मनमाड महामार्गावरील कोल्हार गावात हार्वेस्टर वाहनाने अचानक पेट घेतल्याने एकच खळबळ उडाली. लाईटचे काम सुरू असताना अचानक हार्वेस्टर वाहनातून ठिणगी उडल्याने आग लागल्याची प्राथमिक माहिती मिळत आहे. काही क्षणातच आगीचा भडका उडाल्याने परिसरात गोंधळ निर्माण झाला होता. स्थानिक नागरिकांनी तत्काळ अग्निशमन दलाला माहिती दिली. घटनास्थळी दाखल झालेल्या अग्निशमन दलाने शर्थीच्या प्रयत्नांनंतर आगीवर नियंत्रण मिळवले. मात्र, तोपर्यंत हार्वेस्टर वाहनाचे अर्धे भाग जळून खाक झाले होते. सुदैवाने या घटनेत कोणतीही जीवितहानी झाली नाही, मात्र वाहनमालकाचे मोठे आर्थिक नुकसान झाले आहे.