अमेरिकेचे राष्ट्राध्यक्ष डोनाल्ड ट्रम्प आणि एलॉन मस्क यांच्या धोरणांच्या निषेधार्थ अमेरिकेत संतापाची लाट पसरल्याचे पाहायला मिळत आहे. नोकऱ्यांमधील कपात, आर्थव्यवस्था आणि मानवधिकार अशा अनेक मुद्यांवर सरकारच्या या निर्णयांच्या विरोधात हे आंदोलन सुरू आहे. या आंदोलनाला हँडस ऑफ रॅली असे नाव देण्यात आले. हात बंद म्हणजे आमच्या हक्कापासून दूर रहा आंदोलकांना त्यांच्या अधिकारांवर कुणाचेही नियंत्रण नको आहे हे सांगणे या घोषणेचा उद्देश आहे. या आंदोलनात दीडशेहून आधिक संघटना सहभागी झाल्या होत्या. यामध्ये नागरी हक्क संघटना, कामगार संघटना,LGBTQ+ स्वयंसेवक, माजी सैनिक आणि निवडणूक कर्मचारी यांनी मोठ्या प्रमाणात सहभाग घेतला होता. हा निषेध अमेरिकेच्या 50 राज्यांमध्ये झाला.