पर्यटनाचं नंदनवन म्हणून ओळखल्या जाणाऱ्या गुलमर्गमध्ये बर्फवृष्टीमुळे परिसर पांढरा शुभ्र चादरीखाली झाकला गेला आहे. 'पर्यटकांसाठी एक अद्भुत दृश्य या ठिकाणी निर्माण झाले आहे.' ताज्या बर्फवृष्टीमुळे गुलमर्गचे सौंदर्य आणखीनच खुलले असून, निसर्गाचा हा नयनरम्य देखावा पाहण्यासाठी पर्यटकांची पावलं गुलमर्गकडे वळू लागली आहेत. थंडीची लाट तीव्र झाल्याने येथील बर्फाची चादर आणखी दाट होण्याची शक्यता आहे. मंगळवारी झालेल्या हलक्या बर्फवृष्टीमुळे संपूर्ण परिसर पांढराशुभ्र झाला आहे, ज्यामुळे स्थानिक आणि पर्यटक दोघांमध्येही उत्साहाचे वातावरण आहे. हवामान खात्याच्या अंदाजानुसार, येत्या काही दिवसांत हवामान कोरडे राहण्याची शक्यता असली तरी, या बर्फवृष्टीमुळे हिवाळी पर्यटन हंगामाची यशस्वी सुरुवात झाली आहे.