बीड येथील व्यापारी महादेव मुंडे हत्या प्रकरणातील मुख्य आरोपी गोट्या गीतेचा माजी आमदार बाळासाहेब आजबे सोबत जेवतानाचा व्हिडिओ व्हायरल झाला आहे. राजकीय नेत्यांसोबत रील बनवायची आणि सोशल माध्यमांवर व्हायरल करून आपली दहशत कायम ठेवायची हा गोट्याचा धंदाच झाला आहे. बाळासाहेब आजबे आष्टीचे अजित पवार गटाचे माजी आमदार आहे. गोट्या गीतेवर तब्बल 43 गुन्हे दाखल आहे, मात्र तरी देखील तो अजूनही फरार आहे. तसेच महादेव मुंडे हत्येचा तो प्रमुख आरोपी असून अजूनही तो पोलिसांच्या तावडीत सापडला नाहीये. अजित पवार गटाच्या नेत्यासोबत त्याचा जेवतानाचा व्हिडिओ समोर आल्याने आता याला राजकीत वरदहस्त आहे का? असा प्रश्न उपस्थित होत आहे.